Эшитиш нуқсони бўлган ўзбек курашчиси жаҳон чемпиони бўлди
Тошкент. 24 май. ЎзТАГ – Ўзбекистон вакили Дониёр Якияев эшитиш нуқсони бўлган спортчилар орасида юнон-рум кураши бўйича жаҳон чемпиони бўлди, деб хабар беради Ўзбек телеграф агентлиги (ЎзТАГ).
Ўзбекистон Спорт курашлари уюшмасидан хабар беришларича, юнон-рум кураши бўйича эшитиш нуқсони бўлган спортчилар орасида жаҳон чемпионати Эрон пойтахтида ўтказилди.
Бундан ташқари, Якияев эркин кураш бўйича ҳам иккинчи ўринни олди. Ҳар икки услубда Ўзбекистон вакили 46 кг вазн тоифасида қатнашди.
Теҳрондаги Жаҳон чемпионатида 24 мамлакатдан 200 курашчилар қатнашди.
Эслатиб ўтамизки, Дониёр Якияев 16 ёшда бўлиб, эшитиш имкониятлари чекланган кишиларга мўлжалланган Тошкент ихтисослашган касб-ҳунар коллежининг иккинчи курси талабасидир.
2014 йилда Якияев Еревандаги (Арманистон) дунё биринчилигида икки кумуш медалларни қўлга киритган эди.
