Euronews Амир Темурнинг саройи ҳақидаги сюжетни намойиш қилди

Тошкент. 10 феврал. ЎзТАГ – Euronews телеканали “Ўзбекистондан мактублар” кўрсатуви доирасида буюк саркарда Амир Темур томонидан қурдирилган “Оқ-сарой” саройи ҳақидаги сюжетни намойиш қилди, деб хабар беради Ўзбек телеграф агентлиги (ЎзТАГ).

“Euronews” ахборот агентлиги Postcards кўрсатувлари орқали Ўзбекистоннинг маданий-тарихий меъроси ҳақида ҳикоя қилишни давом эттиради. “Ўзбекистондан мактублар” дастурининг олтинчи кўрсатуви Шахрисабз ва “Оқ-сарой” саройи тўғрисида ҳикоя қилади. Ушбу эпизод трансляцияси жорий йил 14 февралгача давом этади”, - деб таъкидлашди “Ўзбектуризм” МК матбуот хизматида.

Репортаж трансляциясининг маҳаллий вақт билан намойиш этилиш вақтлари “Ўзбектуризм” МК компанияси сайтида мавжуд.

Эслатиб ўтамизки, “Ўзбекистондан мактублар” кўрсатувлари мамлакатнинг маданий меъросига бағишланган.