Euronews телеканали дастурига Самарқанддаги об-ҳаво киритилди
Дата: 12:10, 20-05-2014.
Тошкент. 20 май. ЎзТАГ – 15 майдан бошлаб Европаниннг энг йирик ахборот телеканалларидан бири бўлган Euronewsнинг эшиттиришларига Самарқанд шаҳри киритилди, дея хабар беради Ўзбек телеграф агентлиги (ЎзТАГ).
Ўзбекистон ТИВ хабар беришларича, бу Euronews ва Ўзбекистон ўртасида кейинги икки йил давомида ривожланаётган ҳамкорликнинг яна бир намунасидир.
Хусусан, 2013 йилнинг октябридан бошлаб Euronews томошабинлари жаҳоннинг йирик шаҳарлари билан биргаликда Тошкентдаги аниқ вақтни ҳам билиш имкониятига эга бўлган эдилар. Ўтган йилнинг ноябридан бошлаб эса телеканал мамлакат маданий ҳаётига бағишланган Uzbekistan Life туркумига кириувчи кўрсатувларни намойиш этишни бошлади.
