Евро-2016: Ибрагимович гуруҳдаги Бельгия билан сўнгги ўйинда “рус рулеткаси”га ўйнашни истамаса, юқори даражадаги ўйин кўрсатиши керак

Тошкент. 17 июн. ЎзТАГ – Тўлқин Ташимов. Бугун Швециянинг бор умиди бўлган   Златан Ибрагимович гуруҳдаги Бельгия билан сўнги ўйинда “рус рулеткаси”га ўйнашни истамаса, юқори даражадаги ўйин кўрсатиши керак.

Соат 18.00 (Тошкент вақти билан). Швеция-Италия баҳси.

Евродаги ҳар қандай топ-жамоа ўз вазифаларини ҳал қилади. Италиянинг 1-рақамли вазифаси Швецияни ютиш ва гуруҳдаги сўнгги ўйинни шунчаки расмиятчиликка айлантириш. Италия биринчи ўйинда Бельгияни 2:0 ҳисобида енгиб, гуруҳдан чиқиш томон катта қадам қўйди. Агар бугун уларниг термирбетон мудоффаси туриб берса, хужумчилар гол ура олишса – вазифа бажарилади.

Энди, шведлар ҳақида. Ирландия билан биринчи ўйиндаги дуранг уларга бир очко келтирди. Шведлар Италияга қарши ўйинга ана бир очко билан тушадилар. Агар жамоа мағлубиятга учраса, гуруҳдаги Бельгия билан сўнгги ўйин Ибрагимович жамоаси учун охиргиси бўлиши мумкин. Шунинг учун ҳам Златан айнан бугун иш бериши керак. Гап фақат у ўзига муносиб футболни кўрсатишга ва бельгияликлар қила олмаган ишни қилишга қодирми-йўқми – ана шунда!

Соат 21.00. Чехия-Хорватия ўйини.

Ушбу ўйинга чехлар бирон бир очкосиз етиб келишган бўлишса, Хорватияда уч очко бор. Шу сабабли Чехия тренери Павел Врба жамоаси билан имкониятидан ташқари натижага эришиши лозим. Айнан хорватлар биринчи ўйинда юқори даражадаги футбол намойиш қилган эдилар. Жамоа илҳом билан техник ўйин намойиш қилди. Кези келганда айтиш керакки, бир тўкис ўйин на французлар, на инглизларда мавжуд.

Ўйин олдидан эса чехларда хорватларни енгишларига имкон берувчи бирон бир устун жиҳат кўрмаяпман. Шу билан бирга Ракитич-Модрич термасида жамоага ғалаба келтирувчи кўплаб “яширин қуроллар” мавжуд.

Соат 00.00. Испания-Туркия қарама-қаршилиги.

Қисқа тўп узатишлар услубидаги ўйин кўрсатувчи Испания учун Туркия айнан муносиб рақиб. Турклар Хорватия билан биринчи ўйинда арзирли ҳеч қандай ўйин кўрсата олмадилар. Агар Шимолий Ирландия Украинани енгиб, ўзини оқлаб олган бўлса, Россия Англия билан ярим соат ва Словакия биан 15 дақиқа муносиб ўйин намойиш қилди. Турклар эса ҳамон уйқуда, дейиш мумкин.

Лекин Испания каби жамоа Арда Туран бошчилигидаги турклар термасини, агар улар ишқибозлари ғазабига дуч келишни истамаётган бўлишса, уйқудан уйғотиши зарур.  Уларда бундан бошқа йўл ҳам йўқ. Шунинг учун ушбу ўйиндан қизиқарли футболни кутса бўлади. Қайтараман, кўп нарса туркларнинг ўзларини қандай тутишларига боғлиқ.

Кўп эҳтимоли билан Швеция-Италия ва Испания-Туркия ўйинлари ўта ҳаяжонли кечади. Чехларнинг хорватлар билан ўйини эса бир оз тинчроқ кечиши мумкин. Яна тўғриси, ҳамма нарса юз бериши мумкин. Тўп юмалоқ, истаган тарафга қараб кетади, дейишадику!

Эслатиб ўтамизки, Европа чемпионатининг финал турнирида илк маротаба 24 миллий терма қатнашмоқда. Улар олти гуруҳга бўлинган. Гуруҳ турнирининг сўнгги ўйинлари 22 июнда ўтказилади. 1/8 финалга гуруҳларда биринчи ва иккинчи ўринларни олган термалар, шунингдек, учинчи ўринни олган тўртта энг яхши жамоа чиқади. 1/8 финал ўйинлари 25-27 июнда, 1/4 финал ўйинлари 30 июндан 3 июлгача ўтказилади. Яримфинал ўйини 6 июлда Лионда ва 7 июлда Марсел шаҳарларида бўлиб ўтади. Учинчи ўрин учун ўйин эса умуман ўтказилмайди.

Чемпионатнинг финал ўйини 11 июлда “Стад де Франс” стадионида бўлиб ўтади.