Евро-2016: Ишқибозлар орзиқиб кутган кун ҳам етиб келди
Тошкент. 27 июн. ЎзТАГ – Тўлқин Ташимов. Ишқибозлар орзиқиб кутган кун ҳам етиб келди: бугун Испания ва Италия бир-бирига қарши келади.
Бугун тошкент вақти билан соат 21.00да Испания ва Италия майдонга тушади, асосий 90 дақиқа ёки қўшимча 130-135 дақиқадан кейин эса кимнинг умидлари амалга ошмагани маълум бўлади. Хорватия-Португалия ўйинида бўлганидай, Андрес Иньеста каби моҳир ўйинчига эга бўлган испанлар ҳам француз ерини тарк этиши ёки намунавий қарши хужумлар ва фантастик ишончи дарвозабон Буффоннинг жамоадошлари ўз уйларига қайтиб кетишлари ҳам мумкин.
Аслида, испан қалби ва ўйин услубини тушуниш учун гуруҳ босқичидаги ўйинларини таҳлил қилиш кифоя. Чехия устидан 1:0 ҳисобидаги ғалаба шунчаки ўйинбоши эди. Фабрегас ва Иньеста шунчаки оёқларини ёзиб, биргаликда жамоавий ҳаракатланиш уқувларини машқ қилаётган эдилар. Ўйинбоши Испания ҳақиқий футбол кўрсатган Туркия билан ўйинга қадар якунига етди, дейиш мумкин. Чунки, Иньестанинг турк ҳимоячилари орасидан етказиб бераётган жарроҳлик аниқлигидаги тўпларни бошқача изоҳлаш қийин.
Лекин Хорватия билан гуруҳдаги учинчи ўйиндан кейин Испания термаси бош тренери Висенте дель Боске, ҳимоя линиясидаги Жерар Пике, Хуанфран Торрес, Жорди Альба ва Серхио Рамосларга кўплаб саволлар туғилди. Тўғри, бундан олдин ҳам испанларни тезкор қарши хужумлар орқали доғда қолдириш мумкинлиги аниқ эди, лекин хорватлар буни амалда кўрсатдилар.
Италия термасининг узоқ вақт давомида мудофаа қобилияти, 1-2 тўп узатиш орқали рақиб жаримасига қадар бора олиш уқуви ҳақида айнан Испания билан қарама қаршилик олдидан гапириш керак. Яъни испанларнинг барчага маълум “ахиллес товони” бўлган рақибнинг тезкор қарши хужумлари олдида дош бера олмайдиган ҳимоя чизиғи Италия фойдасига ишловчи асосий омилга айланиши мумкин.
Итальянлардаги ҳал қилувчи жиҳат – улар томонидан яратилаётган голли вазиятларнинг деярли 100% амалга оширилишидир. Ҳатто кучли ўйинга эга бўлган Германия ҳам бундай фантастик қобилиятга эга эмас.
Бироқ ҳаммасини ўйиннинг ўзи қўрсатади. Агар испанлар рақибларининг қарши хужумларини бошиданоқ бартараф эта олишса, “фурия роха”нинг имкониятлари ёмон бўлмайди. Агарда итальянлар Иньеста-Фабрегас жуфтлигини ишдан чиқариб, тезкор қарши хужумлар уюштириб туришни эплашса, Антонио Конте шогирдлари имконятларини ҳам ёмон дея олмаймиз.
Соат 00.00да Англия ва Исландия майдонга чиқади. Лекин ҳозирданоқ, кўпчилик Исландиянинг гуруҳ ўйинлари билан омади келди, Португалия билан биринчи ўйинни (1:1), Венгрия билан иккинчи ўйинни (1:1) ва Австрия билан учинчи ўйинни (2:1) омадли ўтказди, лекин ҳар қандай эртак ҳам бир куни ниҳоясига етади, деб ўйлаётганини тахмин қилиш мумкин.
Шунингдек, кўпчилик, Англиянинг гуруҳдаги ишончсиз ўйини (Россия ва Словакия билан дуранглар) – бу вақтинчалик қийинчиликлар эди ва шу сабабли охиригача ўйналадиган учрашувларда жамоа салоҳияти очилиши керак, деб фикр юритаётган бўлиши ҳам эҳтимолга яқин.
Жамоа салоҳияти ҳақида бир нима дея олмаймизу, лекин Рой Хожсон…
Фикри ожизимча, англия термасининг барча мавжуд ва бўлажак муаммолари айнан тренерга боғлиқ. Менимча, бош тренер даражаси жамоа истеъдоди даражасига мос эмас.
Гапим ўтиб кетдими? Бироқ, “Тақдир ҳазили ёки қушдек енгил бўлинг” фильмидаги Юрий Яковлев яратган образ айтгани каби, “бу рост гап, рост гапга эса хафа бўлмаслик керак …”
Эслатиб ўтамизки, 1/4 финал ўйинлари 30 июндан 3 июлгача ўтказилади. Яримфинал ўйини 6 июлда Лионда ва 7 июлда Марсел шаҳарларида бўлиб ўтади. Учинчи ўрин учун ўйин эса умуман ўтказилмайди.
Чемпионатнинг финал ўйини 11 июлда “Стад де Франс” стадионида бўлиб ўтади.
