Евро-2016: Украина умумий 0:4 ҳисобида плей-офф босқичидан чиқиб кетди
Тошкент. 17 июн. ЎзТАГ – Тўлқин Ташимов. Украина умумий 0:4 ҳисобида плей-офф босқичидан чиқиб кетди. Бу ҳақида Германия ва Польша бир бирлари дарвозасини ишғол қила олмаганидан сўнг маълум бўлди (0:0).
Тошкент вақти билан соат 18.00да Англия Уэльсга қарши майдонга чиқди.
Валлийликлар иштирокидаги Евро ўйинларида ўзига хос анъана юзага келган: яъни биринчи голни жаримадан Гарет Бэйл киритади. Бу ўйинда ҳам шундай бўлди. Ҳатто кишида Уэльслик футболчининг лазерли нишонга олиш ускунаси бордай таассурот уйғонмоқда.
Ингизлар ҳақида гапирсак, уларда ўйинни ташкил қилиш ва хужумга ўтиш билан боғлиқ бир дунё муаммолар бор. Гап шундаки, Рой Хожсон ҳеч бир қарорга кела олмаяпти. Лекин футбол ватани вакиллари Уэльсни енгган ҳолда (2:1) кейинги босқичга чиқдилар.
Яъни Уэльс билан ўйиндан кейиноқ Хожсон Англия кейинги ўйинларда қандай бўлиши ҳақида ўйлаши зарур.
Айни пайтда, россияликлар валлийликларнинг энг ашаддий мухлисларига айландилар. Слуцкий ҳам, ўйинчилар ва ишқибозлар ҳам Бэйлнинг голи ягона бўлиб қолиши ва Уэльс 6 очко жамғариб, Россия билан ўйинда бор кучи билан ўйнамаслигини жуда-жуда истадилар.
Уэльс мағлубиятга учради, шу сабабли ҳам энди ҳар икки жамоа тиришишига тўғри келади. Россияга фақат ғалаба зарур, Уэльсликлар эса икки вариантдан бирини танлашлари лозим: ғалаба қилиш ва маълум шароитларда (Англия-Словакия ўйини натижасидан келиб чиқиб) плей-оффга биринчи ўринда чиқиш ва у ёки бу даражадаги кучсизроқ рақибга дуч келиш ёки дуранг ўйнаб, кучли рақибда дуч келиш.
Соат 21.00да Украина-Шимолий Ирландия (0:2) ўйинида бугунги куннинг энг катта фожеаси юз берди.
Аслида, украиналикларнинг бош тренери Михаил Фоменко яхши таркибдаги жамоани шаклантира олмади. Тўғри, терма жамоа кўплаб хужумлар уюштирди, устунликка эга бўлди, лекин рақиб дарвозаси олдида жуда кам хавфли вазиятлар юзага келтирди. Қизиғи, на Коноплянка чапдан, на Ярмоленко ўнгдан ўзлари қодир бўлган даражадаги ўйин кўрсата олмадилар.
Кеча Шимолий Ирландия Россия ва Туркия сингари Евродаги энг рангсиз ўйин кўрсатган жамоалардан бўлгани ҳақида ёзган эдим. Украина билан бўлган ўйинда ирландлар ўзларини оқлаб олдилар. Тўғри, уларнинг ўйин услуби зерикарли бўлиши мумкин, лекин вақти вақти билан жамоа яхши ўйин кўрсатди.
Соат 00.00да Германия Польша билан ўйнади.
Ушбу ўйиндан кўп гол кутганимни яширмайман. Левандовский уч вазиятдан биттасини амалга оширишини кутган эдим. Мюллер ҳам ёндан узатилган тўпни дарвозага йўллашини кутган эдим. Шунга қарамасдан, ўйин ўта қизиқарли ва ҳаяжонли бўлди.
Одамнинг уйқусини қочирадиган даражада!
Катта ҳисобда, поляклар айнан бугун, айнан Еврода энг кучли жамоалар билан тенг ўйнашлари мумкинликларини кўрсатдилар. Тўғри, поляк хужумининг фаол ўйини немисларга рақиблари мудофаасини хато қилишга мажбур қила олмаган бўлиши мумкин.
Ўйин давомида бутун Украина Польшанинг мағлубиятга учрашига умид қилди. Агар шундай бўлганида, Фоменко шогирдларида плей-оффга чиқиш имконияти пайдо бўлар эди. Аммо умидлар пучга чиқди, шу сабабли Польша билан ўйин украинлар учун гуруҳдаги сўнгги ўйин бўлади.
Гап фақат Коноплянка-Ярмоленко ва шериклари унда қандй ўйин кўрсатишларида қолди.
Эслатиб ўтамизки, Европа чемпионатининг финал турнирида илк маротаба 24 миллий терма қатнашмоқда. Улар олти гуруҳга бўлинган. Гуруҳ турнирининг сўнгги ўйинлари 22 июнда ўтказилади. 1/8 финалга гуруҳларда биринчи ва иккинчи ўринларни олган термалар, шунингдек, учинчи ўринни олган тўртта энг яхши жамоа чиқади. 1/8 финал ўйинлари 25-27 июнда, 1/4 финал ўйинлари 30 июндан 3 июлгача ўтказилади. Яримфинал ўйини 6 июлда Лионда ва 7 июлда Марсел шаҳарларида бўлиб ўтади. Учинчи ўрин учун ўйин эса умуман ўтказилмайди.
Чемпионатнинг финал ўйини 11 июлда “Стад де Франс” стадионида бўлиб ўтади.
