Европа Иттифоқи ва Ўзбекистон Савдо ва инвестициялар бўйича кенгаш ташкил қилишни режалаштирмоқда
Тошкент. 29 сентябр. ЎзТАГ – Европа Иттифоқи ва Ўзбекистон Савдо ва инвестициялар бўйича кенгаш ташкил қилишни режалаштирмоқда, дея хабар қилади Ўзбек телеграф агентлиги (ЎзТАГ).
Бу ҳақида яқинда Европа Итифоқи делегацияси раҳбари Юрий Штерк Ўзбекистонда меҳмон бўлиб турган Бельгия тадбиркорлик доиралари вакиллари билан бўлган учрашув чоғида эълон қилди.
«Ўзбек томони ЕИ билан иқтисодий ҳамкорликни ривожлантириш мақсадларида “Савдо ва инвестициялар бўйича кенгаш” ташкил қилиш бўйича музокаралар олиб бормоқда. Кенгашда ўзбек бозорида ишлаётган ёки унга чиқишни режалаштираётган европалик компаниялар иштирок этади. Шунингдек, Европа Иттифоқи Ўзбекистонга Бутунжаҳон савдо ташкилотига кириш ва хорижий валюталарнинг тўлиқ конвертациясини жорий этишда кўмаклашишга тайёр», - деб таъкидлади Ю. Штерк.
