“Евроцемент груп” Ўзбекистонда янги цемент заводи қуради

Тошкент. 10 август. ЎзТАГ – Россиянинг “Евроцемент груп” холдинги “Ангрен” эркин иқтисодий ҳудудида янги цемент заводи қуришни режалаштирмоқда, деб хабар беради Ўзбек телеграф агентлиги (ЎзТАГ).

“Лойиҳа қуввати кунига 6,2 минг тонна клинкер ёки йилига 2,4 млн тонна цемент ишлаб чиқариш қувватига эга янги завод қурилишини кўзда тутади. Маҳсулот қуруқ услубда ишлаб чиқарилиб, бу 35-45% табиий газни иқтисод қилишга имкон беради. Самарали ускуналар ўрнатилиши режалаштирилган бўлиб, чиқиб кетаётган газдан ҳам  электроэнергия ишлаб чиқариш кўзда тутилган”, - деб таъкидлшди “Ўзқурилишматериалари” АКда.

Бугунда “Евроцемент груп” завод қурилишининг бош пудратчисига тендер эълон қилган. Унда хитой, немис ва турк компаниялари қатнашмоқда. Заводни 2018 йил охирида ишга тушириш режалаштирилган.