“Евроцемент групп”нинг шўъба корхонасига 6 йиллик солиқларни тўлаш мажбурияти юкланди

Тошкент. 13 октябр. ЎзТАГ – Ўзбекистон Республикасининг Олий хўжалик суди “Евроцемент групп” холдинги томонидан назорат қилинадиган “Оҳангаронцемент” АЖ (Тошкент вилояти) 2009-2014 йиллардаги уст фойдага солиқ тўлашга доир қарор қабул қилди. Бу ҳақида ўзбек корхонасининг матбуот релизида хабар қилинади.

“Ўзбекистон Республикасининг Олий хўжалик суди “Оҳангаронцемент” АЖ) 2009-2014 йиллардаги уст фойдага солиқ ва уни вақтида тўламаганлик учун пеня ундиришни қонуний деб топди”, - деб кўрсатилади хабарда.

Тўлов ҳажми очиқланмаган.

Матбуот релизидаги маълумотларга кўра, ҳозирда завод Ўзбекистон Бош прокуратурасига “Ўзбекистон Республикаси Олий хўжалик судига иш бўйича қарорни қайта кўриб чиқиш учун протест киритиш” илтимоси билан мурожаат қилган.

“Қабул қилинган қарор цемент корхоналари фойдасига доир ҳуқуқ амалиётига сезиларли даражада таъсир қилади ва заводга қўшимча солиқ босими солади ҳамда корхонани модернизация қилиш лойиҳасини амалга оширишни шубҳа остига қўяди”, - деб хабар қилади “Оҳангаронцемент”.

Эслатиб ўтамизки, 2006 йил августда “Евроцемент групп” швейцариянинг Zeromax GmbH ширкатидан ўзбек цемент заводининг 75,6% акцияларини сотиб олган эди. Ҳозирда россия компанияси унинг 83,92% акцияларига эга, миноритар акционерларда 16,08% акция бор.

“Оҳангаронцемент” 1961 йилда ташкил этилган бўлиб, республикадаги иккинчи энг йирик цемент заводидир. Корхонанинг ишлаб чиқариш қуввати йилига 1,8 млн тонна цементга тенг. 2014 йил июнда “Евроцемент групп” China CAMC Engineering билан завод базасида қуруқ йўл билан йилига 2,4 млн тонна цемент ишлаб чиқаришга мўлжалланган иккинчи заводни қуришга доир шартнома имзолади. Унинг қиймати $128 млнга тенг.

2014 йил якунлари бўйича завод цемент ишлаб чиқаришни 2013-йилга нисбатан 5% ошириб, 1,7 млн тонна цементга етказди.