Фақат мен зўр ўйнаганим йўқ - бутун жамоа ушбу номга лойиқ – Ўзбекистон термаси хужумчиси
Тошкент. 12 январ. ЎзТАГ – Фақат мен зўр ўйнаганим йўқ – бутун жамоа ушбу номга лойиқ, деб ҳисоблайди Ўзбекистон терма жамоаси хужумчиси Игорь Сергеев, дея хабар беради Ўзбек телеграф агентлиги (ЎзТАГ) футбол бўйича Австралияда бўлиб ўтаётган Осиё кубоги биринчи тури ўйинларидан кейин.
Бунга доир маълумот Футбол федерацияси сайтида жойлаштирилган.
“Албатта, мени энг яхши ўйинчи деб топишгани менга жуда маъқул, лекин жамоадаги ҳамкорларимсиз мен бунга эриша олмаган бўлар эдим. Шу сабабли ўйин охирига қадар курашиб, ғалабага эришган жамоадошларимга миннатдорчилик билдирмоқчи эдим. Фақат мен зўр ўйнаганим йўқ – бутун жамоа ушбу номга лойиқ. Ким гол уришининг аҳамияти йўқ. Муҳими жамоа ғалабаси”, - деди И.Сергеев.
У “гол уриш – хужумчининг вазифаси, лекин якка муваффақиятлар жамоавий ютуқлар олдида ҳеч нима эмас. Агар менда дарвозани ишғол қилиш учун имконият пайдо бўлса, буни албатта амалга оширишга ҳаракат қиламан. Аммо жамоадошим мендан қулайроқ позицияда бўлса, тўпни унга узатаман”, деб қўшимча қилди.
Эслатиб ўтамизки, Ўзбекистон миллий терма жамоаси 2015 йилги Осиё кубоги гуруҳ босқичи биринчи тури доирасида 10 январда Сиднейдаги “Стэдиум Австралия” стадионида бўлиб ўтган учрашувда КХДР терма жамоасини кичик 1:0 ҳисобида мағлуб этган эди.
