ФАО бепул онлайн ўқув курсларида қатнашиш учун аризалар қабул қилиш ҳақида эълон қилди

Тошкент. 4 апрел. ЎзТАГ – ФАО (БМТнинг озиқ-овқат ва қишлоқ хўжалик ташкилоти) “Савдо, озиқ-овқат хавфсизлиги ва овқатланиш” бепул онлайн ўқув курсларида қатнашиш учун аризалар қабул қилиш ҳақида эълон қилди, деб хабар беради Ўзбек телеграф агентлиги (ЎзТАГ).

ФАО матбуот хизматининг таҳририятга келган мурожаатида айтилишича, курс “Агроозиқовқат савдоси ва халқаро бозорларга чиқиш” минтақавий ташаббуси доирасида ўтказилмоқда.

Иштирокчилар ФАО томонидан географик келиб чиқиши ва гендер баланси асосида танлаб олинади. Айниқса, аёллардан тушган аризалар қўллаб-қувватланади. Рўйхатдан tfsn-ru.unitar.org/russian/registratciia/ иловаси орқали ўтиш мумкин.

ФАО ушбу курсни тайёрлашда аъзо мамлакатларга қишлоқ хўжалик савдо сиёсати ва кўптомонлама музокаралар юзасидан техник кўмак, маслаҳатлар ва ўқитиш дастурларини тақдим этиш бўйича кенг тажрибасидан келиб чиқади. Шунингдек, курсга тайёргарликда БСТнинг Санитар ва фитосанитар чераларни қўллаш бўйича келишув бўйича халқаро конвенция ва келишувлар доирасидаги норматив фаолиятини ҳам асос қилиб олади.

Рўйхатдан 22 апрелгача ўтиш мумкин.

Сурат манбаи: http://agroportal.ua/news/ukraina/fermery-na-vostoke-ukrainy-poluchat-sistemy-kapelnogo-orosheniya-ot-fao/