Фарғона ИЭМ ва қозонхонасида газотурбина технологияларини жорий этиш бўйича инвестлойиҳа амалга оширилмоқда
Тошкент. 23 ноябр. ЎзТАГ – “Ўзбекенерго" АЖ Фарғона иссиқлик электромарказида 17 МВт қувватга, Фарғона РК-3 қозонхонасида 7 МВт қувватга эга когенерацион газ турбинасини ишга тушириш бўйича инвестиция лойиҳасини амалга оширмоқда, деб хабар беради Ўзбек телеграф агентлиги (ЎзТАГ).
“Ўзбекенерго” ДАК маълумотларига кўра, лойиҳа доирасида Ўзбекистон ҳукумати ва Япониянинг энергетика ва саноат технологияларини ривожлантириш бўйича давлат ташкилоти (NEDO) ўртасида баённома имзоланган ва унда “Ўзбекенерго” ва Kawasaki Heavy Industries, Ltd. (KHI) и Marubeni Utility Services, Ltd. (MUS) компаниялари томонидан Ўзбекистоннинг энергетика объектларида KHI компаниясининг газ-турбина технологияларини жорий этиш режалари қайд этилган.
Фарғона РК-3 қозонхонасида 7 МВт қувватга эга когенерацион газ турбинани ишга тушириш 2019 йил IV чоракка режалаштирилган.
Фарғона иссиқлик электромарказида 17 МВт қувватга эга газ турбинани ишга тушириш 2021 йилга мўлжалланган.
Мазкур лойиҳани амалга ошириш Фарғона водийсида ишлаб чиқариш қувватларини кўпайтиришга олиб келади ва корхонага йилига қўшимча равишда 197,24 млн. КВт/соат электр энергияси, 214,5 минг Гкаллик иссиқлик энергиясини ишлаб чиқариш имконини беради.
Лойиҳа буюртмачиси – “Фарғона ИЭМ АЖдир. Лойиҳанинг техник-иқтисодий асосномаси “Теплоэлектропроэкт” ОАЖ томонидан ишлаб чиқилган. Қурилишнинг бош пудратчиси “Ўзбекгидроэнергоқурилиш” ОАЖ ҳисобланади. Асосий жиҳозларни етказиб берувчи – MUS ва KHI ширкатлари.
Бугунги кунга қадар Япония томони Фарғона РК-3 қозонхонаси учун асосий ГТУ тўлиқ етказиб берилган, бош пудратчи томонидан газ турбина қурилмасининг асосий қисми ўрнатилган. 2019 йилнинг учинчи чорагида асосий жиҳозларни ишга тушириш режалаштирилмоқда. Шунингдек, ушбу муддат давомида Япония томони Фарғона иссиқлик электромаркази учун ГТУ объекти бўйича асосий ускунани етказиб бериш ва ушбу ускунани ўрнатиш режалаштирмоқда.
Сурат манбаи: https://www.trend.az
