Фарғона ва Жиззахда синов тариқасида светофорнинг қизил чироғида ўнгга бурилишга рухсат берилди
Тошкент. 15 феврал. ЎзТАГ – Фарғона ва Жиззахда синов тариқасида светофорнинг қизил чироғида ўнгга бурилишга рухсат берилди, деб хабар қилади маҳаллий ОАВ Ўзбекистон ИИВ Йўл ҳаракати хавфсизлиги республика бошқамаси катта инспектори Акмал Юнусовга асосланган ҳолда.
Яқин орада синов ишлари Тошкентда ҳам бошланади. Юнусовнинг сўзларига бу қатнов тиқилинч бўлган чорраҳаларда ҳаракатни енгиллаштиради.
“Қизил чироқда ўнгга бурилиш” қоидаси транспорт воситаларига светофорда қизил чироқ ёниб турганда ҳам, бошқа томондан ҳаракатланаётган барча транспорт воситалари ва йўловчиларни ўтказиб юбориб ўнгга бурилишга рухсат беради.
Эслатиб ўтамизки, дунёнинг кўплаб мамлакатларида ушбу амалиёт чорраҳаларнинг ўтказиш имкониятларида ижобий акс этиб, тиқилинчларнинг камайишига имкон бермоқда.
Бугунги кунда Ўзбекистон ЙҲҚ кўра, агар ҳайдовчи ўнг томонга кетаётган бўлса ҳам қизил чироқда ўнг томонга бурилиш мумкин эмас. Светофорнинг қизил чироғи ёнганда ҳайдовчи чорраҳа ёки тўхташ чизиғида тўхтаб яшил чироқ ёнганга қадар ҳаракат қилмаслиги зарур. Шундан кейин ҳайдовчи пиёдаларни ўтказиб юбориб ўнгга ҳаракатланиши мумкин. Ҳайдовчиларнинг фикрига кўра, бундан ёндашув ҳаракатни анча секинлаштиради ва бутун Тошкентда ҳам муаммога айланаётган тиқилинчлар сонини сезиларли даражада кўпайтиради.
