Фаррух Дўстов Самарқанддаги “Челленджер” турнири ғолиб бўлди
Дата: 14:32, 20-05-2014.
Тошкент. 20 май. ЎзТАГ – Теннис бўйича Самарқанд шаҳрида ўтказилган "Челенжер" туркумига кирувчи халқаро турнирда Ўзбекистоннинг иккинчи ракеткаси Фаррух Дўстов яккалик баҳсида бош совринни қўлга киритди, дея хабар беради Ўзбек телеграф агентлиги (ЎзТАГ).
Миллий Олимпиа қўмитасидан хабар беришларича, ҳал қилувчи финал учрашувида Фаррух Дўстов россиялик Аслан Карацевни икки сет якунларига кўра 7-6, 6-1 ҳисобида мағлуб этди.
Эслатиб ўтамиз, Фаррух Дўстов 2012 йили бўлиб ўтган ушбу халқаро турнирда финалга қадар етиб келган эди. 2011 йил ўтказилган мусобақада эса Ўзбекистоннинг биринчи рақамли теннисчиси Денис Истомин бош соврин соҳиби бўлган эди.
