Fayzi профессионал аренадаги иккинчи жангида америкалик Агустин Маурасни енгди
Дата: 20:07, 22-05-2017.
Тошкент. 22 май. ЎзТАГ – 2016 йилги олимпиа чемпиони Фазлиддин “Fayzi” Ғойибназаров профессионал аренадаги иккинчи жангида америкалик Агустин Маурасни енгди, деб хабар беради Ўзбек телеграф агентлиги (ЎзТАГ).
Жанг Нью-Йоркдаги Madison Square Garden аренасида Кроуфорд – Диас бокс оқшоми доирасида бўлиб ўтди.
Тошкент вилояти Бекобод туманидан бўлган ўзбек спортчисининг устунлиги яққол сезилиб турди. У чап қўл зарбалари билан рақибини бир неча бор танг аҳволга солди. Натижада ҳакамлар бир овоздан ғолибликни Ғойибназаровга бердилар (80/72, 80/72, 80/72).
Маълумот ўрнида, ўзбек боксчисининг менежери Эгис Климас, промоутери эса Top Rank компаниясидир.
