Фазлиддин Ғоибназаров Кевин Жонсон билан жанг ўтказади

Тошкент. 14 июн. ЎзТАГ – 14 июлда ўзбекистонлик боксчи Фазлиддин Ғоибназаров америкалик оғир вазнли боксчи Кевин Жонсон билан жанг ўтказади, деб хабар беради Ўзбек телеграф агентлиги (ЎзТАГ).

“Рио Олимпиадаси чемпиони, ўзбекистонлик профессиональ боксчи Фазлиддин Ғоибназаров профессионал рингдаги навбатдаги жангини 14 июль куни Нью-Орлеанда (АҚШ) ўтказади. “Lakefront Arena” саройи мезбонлик қиладиган жанг оқшомида ҳамюртимиз мезбон боксчи Кевин Жонсонга қарши рингга кўтарилади”, - дейилади Ўзбекистон МОҚ матбуот хизматининг хабарида.

Таъкидланишича, Фазлиддин Ғоибназаров шу кунгача профессионал боксда 4та жанг ўтказган ва уларнинг барчасида ғалаба қозонган (2таси нокаут билан). Жонсон эса бунгача 5та жангда рингга чиққан ва уларнинг барчасида рақибларини мағлуб этган (4таси нокаут).

Эслатиб ўтамизки, Ф. Ғоибназаров – ўзбекистонлик профессиональ боксчи бўлиб, яримўрта вазн тоифасида жанг қилади. Шунингдек, у 2016 йилги Риодаги Олимпиада ўйинлари ва 2015 йилги Осиё ўйинлари чемпиони, бокс бўйича қатор миллий ва халқаро турнирларнинг ғолибидир.

Сурат манбаи: http://www.fightnews.ru/2011/05/02/kevin-dzhonson-ya-krutoy-boec-i-nikto-ne-ostanovit-menya-na-puti-k-titulu-chempiona