Февралда Беларусь президенти Александр Лукашенко Ўзбекистонга расмий ташриф билан келади
Тошкент. 10 январ. ЎзТАГ – Беларусь президенти Александр Лукашенконинг Ўзбекистонга расмий ташрифи февралга режалаштирилган, деб хабар беради Ўзбек телеграф агентлиги (ЎзТАГ).
“Ҳозирда бунга тайёргарлик кўрилиб, ташриф дастури ишлаб чиқилмоқда”, - деб хабар қилди TUT.BY нашрига манбалар.
“Декабрда Мирзиеёв президент бўлди. Бу янги ҳамкорлик шаклларини белгилашга яхши бир сабаб. Ўзбекистонда белорус товарларини сотуви жуда оз даражада, чунки бир неча мураккабликлар бор. Валютани алмаштиришга чекловлар, юқори божлар, маҳаллий ишлаб чиқарувчиларга енгилликлар ва ҳ.к. Лекин Тошкент инвестициялар киришидан манфадор ва ўзгаришга тайёр. Беларусь қизиқарли лойиҳалар таклиф қилишга ҳозир”, - деди TUT.Byга ҳамсуҳбатлардан бири.
Беларуснинг Ўзбекистондаги элчихонаси маълумотига кўра, 2015 йил якунлари бўйича иккитомонлама товар айирбошлаш ҳажми $65,3 млнни ташкил этган, хусусан экспорт ҳажми $37,5 млнга, импорт ҳажми эса $27,8 млнга тенг бўлган. Беларусь экспортининг анча қисми учинчи давлатлар орқали етказиб берилади. Ўзбек томонига кўра, 2015 йилда Беларусь товар ва хизматлари импорти $89 млнга тенг бўлган.
2016 йил январ-сентябрь ойларида иккитомонлама товар айирбошлаш ҳажми $43,4 млнни ташкил этган, жумладан, экспорт ҳажми $23,4 млнга, импорт ҳажми эса $20 млнга тенг бўлган.
Эслатиб ўтамизки, Беларусь раҳбари 2016 йилнинг октябрида Покистондан қайтаётиб Ўзбекистонга ташриф буюрган эди. Ушбу ташриф давомида у Ўзбекистоннинг биринчи президенти Ислом Каримов қабрини зиёрат қилиб, унинг хотирасига ҳурмат бажо келтирган ва Самарқандда мамлакат президенти вазифасини бажараётган бош вазир Шавкат Мирзиёев билан учрашган эди.
