Февралда ва жорий йил бошида россия бозорида янги ўзбек автомобилларининг сотувлари сезиларли даражада пасайди

Тошкент. 11 март. ЎзТАГ – Февралда ва жорий йил бошида россия бозорида Daewoo номидаги янги ўзбек автомобилларининг сотувлари сезиларли даражада – навбати билан 63,9% ва 55,7% пасайди, дея хабар беради Ўзбек телеграф агентлиги (ЎзТАГ).

Европа бизнеси ассоциацияси Автомобиль ишлаб чиқарувчилар қўмитаси маълумотларига кўра, 2015 йилнинг февралида 1,639 минг автомобиль сотилди. Бу 2014 йил февралидагига солиштирганда 63,9% (4,536 минг) оздир. Йил бошидан бери эса (январ-феврал) 3,654 минг машина ўз харидорини топди. Бу кўрсаткич ҳам 2014 йилнинг муқобил давридагига қараганда 55,7% (8,254 минг) камдир.

Шу билан бирга, ўзбек автомобилларининг россия бозоридаги улуши 2015 йилнинг январ-февралида атига 1,5% этди. Ўтган йилнинг муқобил даврида эса у 2,3% тенг эди.

Cadillak (59,3%), Geely (60,2%), Ssangyong (61,2%), Great Wall (65,4%), Ford (69,6%), Chevrolet (71,2%), Suzuki (72,7%), Chery (72,9%), Opel (81,8%) ва Honda (85,6%) маркаларининг сотувлари ҳам тушиб кетди.

Айни пайтда россия бозорида янги автомобиллар сотуви йил бошидан бери 32,1% пасайди.

Илгари ЎзТАГ РФда ўзбек автомобиллари сотувлари тушиб кетиши рубл девальвацияси ва россия автомобил ишлаб чиқарувчиларини ҳимоя қилиш чоралари билан боғлиқлиги ҳақида хабар қилган эди.

Хусусан, 2014 йил сентябрда россияда ўзбек автомобиллари сотуви 64%, 2014 йилнинг 10 ойида эса 32% тушиб кетган эди.