Февралда Ўзбекистонда “Йилнинг энг яхши мураббийи” ва “Йилнинг энг яхши футболчиси” сўровлари ғолиблари эълон қилинади
Дата: 08:42, 30-01-2015.
Тошкент. 30 январ. ЎзТАГ – Ўзбекистонда феврал ойида “Йилнинг энг яхши мураббийи” ва “Йилнинг энг яхши футболчиси” сўровлари ғолиблари – Ўзбекистон Футбол федерациясининг (ЎФФ) 2014 йил якунларига бағишланган тантанали тадбири доирасида эълон қилинади, дея хабар беради Ўзбек телегаф агентлиги (ЎзТАГ).
ЎФФ маълумотларига кўра, “Йилнинг энг яхши мураббийи” номинациясида кучли учликка Вадим Абрамов, (“Локомотив”), Самвел Бабаян (“Пахтакор”) ва Рўзиқул Бердиевлар (“Насаф”) киришган бўлса, “Йилнинг энг яхши футболчиси” унвонига Виталий Денисов (“Локомотив”, Москва), Одил Аҳмедов (“Краснодар”) ва Жамшид Искандаровлар (“Пахтакор”) даъвогарлик қилишмоқда.
