ЎФФ футбол термасининг бош тренери Самвел Бабаянни вазифасидан четлатди
Дата: 12:09, 07-09-2017.
Тошкент. 7 сентябр. ЎзТАГ – Ўзбекистон Футбол федерацияси (ЎФФ) мамлакат футбол термасининг бош тренери Самвел Бабаянни вазифасидан четлатди, деб хабар беради Ўзбек телеграф агентлиги (ЎзТАГ).
“Самвел Бабаян ва унинг штаби жаҳон чемпионатига чиқиш вазифасини уддалай олмади. Шу сабабли Ўзбекистон миллий терма жамоасининг мураббийлар штаби тўлиқ тарқатиб юборилди”, - дейилади ЎФФ баёнотида.
Шу билан бирга, федерация Эрон ва Корея терма жамоаларини жаҳон чемпионати йўлланмасини қўлга киритгани муносабати билан табриклаб, уларга омад тилади ҳамда миллий терма жамоани ЖЧ-2018 саралаши босқичида қўллаб-қувватлаб турган мухлисларга миннатдорлик билдирди.
