“Fitch” агентлиги “Ўзсаноатқурилишбанк”нинг рейтингини оширди
Тошкент. 25 ноябр. ЎзТАГ – Fitch Ratings таниқли рейтинг компанияси “Ўзсаноатқурилишбанк” АТБ хорижий валютадаги узоқ муддатли эмитент дефолти рейтингини “И” даражадан “И+” даражасигача кўтарди. Рейтинг бўйича прогноз “Барқарор” даражасида, деб хабар беради Ўзбек телеграф агентлиги (ЎзТАГ).
“Fitch” маълумотларига кўра, “Ўзсаноатқурилишбанк”нинг узоқ муддатли ЭДР оширилиши ва “B+”гача оширилиши мустақил эмитентнинг уни қўллаб қувватлашга қодирлигини билдиради.
Мамлакат ҳукумати банкдаги давлат улуши, унинг аҳамиятини ҳисобга олган ҳолда банкка зарур бўлганда кўмаклашиш эҳтимоли юқори.
“Ўзсаноатқурилишбанк” АТБнинг эмитент дефолти рейтинглари, қўллаб-қувватлаш рейтинглари ва узоқ муддатли эмитент дефолти рейтингларини қўллаб-қувватлаш даражаси ҳамон Ўзбекистон ҳукуматидан кўмак олиш салоҳияти орқали мустаҳкамланмоқда.
Эслатиб ўтамизки, 2016 йил 1 июлига бориб банкнинг ялпи капитали 897,3 млрд сўмни, низом капитали 697,9 млрд сўмни ташкил қилган.
“Ўзсаноатқурилишбанк” АТБнинг иқтисод реал тармоғига кредит киритмалари ҳисобот даврига 7,7 трлн сўмга тенг бўлди.
“Ўзсаноатқурилишбанк” АТБ тизимида 42 мини-банк, 54 омонат кассаси, 44 махсус кассалар, 151 тўловлар қабул қилиш пункти, 91 халқаро пул ўтказмалари пункти ва 52 валюта-алмаштириш пункти фаолият юритмоқда.
Бугунда “Ўзсаноатқурилишбанк” АТБ мамлакатдаги йирик молия кредит муассасаларидан бири. Унинг 1 млндан ортиқ мижозлари бор.
