Fitch Халқаро рейтинг агентлиги Ўзбекистон банк тармоғи прогнозини барқарор даражасида қолдирди
Тошкент. 30 ноябр. ЎзТАГ - Fitch Халқаро рейтинг агентлиги кучли давлат инвестициялари билан қўллаб-қувватланаётган Ўзбекистон банк тармоғи прогнозини барқарор даражасида қолдирди, деб хабар беради Ўзбек телеграф агентлиги (ЎзТАГ).
“Аммо нефть ва пахта каби хом-ашё товарлари нархларининг пастлиги ва МДҲ асосий савдо ҳамкорларидаги секинлашув ҳамда Россиядан ўтказмаларнинг пастлашиши Ўзбекистон иқтисодига босим ўтказмоқда”, - дейилади Fitchнинг жума кунги хабарида.
Агентлик таъкидига кўра, банк активлари сифати тегишли даражада ва қадрсизланган кредитлар барча кредитларнинг 4,7% тенг, 2014 йил охирида резервлар билан қопланиш 90% даражасида эди.
Fitch юқоридаги кўрсаткичлар 2015 йилда ҳам 2014 йил сўнгидаги даражада бўлишини кутмоқдалар.
Хорижий валютада кредитлаш барча кредитларнинг 49% ташкил этмоқда, бу эса ижобий омилдир. Fitch таҳлилчиларига кўра, тармоқнинг валюта мақоми валюта фондлашувига нисбатан нисбатан мувозанатли (барча мажбуриятларнинг 49%).
Капитализация кўрсаткичи доимий давлат киритмалари сабабли барқарорлиги айтилмоқда.
Fitch баҳоларига кўра, капиталнинг мавжуд заҳираси кредитларнинг қадрсизланиши учун заҳираларни ўртача 9% кўпайтиришга имкон беради. Бу эса етарли даражадир.
2015 йилда Ўзбекистон банклари капитализацияси давлат капитали киритмалари бадаллари ва кредитлашнинг пасайиши ҳисобига қўллаб-қувватланмоқда.
Агентлик баҳоларига кўра, мамлакат банк тармоғи ликвидлиги ўсиши ликвид активлар улуши юқорилиги билан ва кредитларнинг депозитларга етарли даражаси (2014 йил охирида 94%) билан муқобиллашади.
“2015 йилда ҳам ликвидлик заҳираси мутаносиб қолди ва тармоқнинг қайта молиялашга чегараланган зарурияти ва мижоз ҳисобларининг барқарорлиги билан қўллаб-қувватланади”, - дейилади хабарда.