“Fitch Ratings” “Асака” ўзбек банкининг рейтингини кўтарди

Тошкент. 29 июл. ЎзТАГ – “Fitch Ratings” халқаро рейтинг агентлиги “Асака” ўзбек банкининг кредит рейтингини кўтарди, деб хабар беради Ўзбек телеграф агентлиги (ЎзТАГ).

Банкдан хабар қилишларича, “Асака” АТБнинг юқори рейтинг баҳоларига сазовор бўлиши, банкнинг халқаро майдондаги обрўсини янада ошиб бораётганлигидан далолат беради.

2016 йил 1 июл ҳолатига “Асака” АТБ жами активлари миқдори 7 трлн 650,4 млрд сўмни, капитал ҳажми 976,1 млрд сўмни, кредит қўйилмалари ва лизинг хизматлари ҳажми 3874,2 млрд сўмни ташкил қилди. Кредит қўйилмаларининг асосий қисмини узоқ муддатли кредитлар ташкил қилади.

2016 йил биринчи ярми давомида “Асака” АТБ томонидан иқтисодиётнинг реал сектори корхоналарини ривожлантиришга 1,204 трлн сўм, кичик бизнес ва хусусий тадбиркорликни ривожлантиришга 835,8 млрд сўм миқдорида кредитлар ажратилди.