Fitch Ratings икки ўзбек банкининг рейтингини тасдиқлади ва бир банкка ЭДР берди
Тошкент. 10 феврал. ЎзТАГ – Fitch Ratings Халқаро рейтинг агентлиги “Трастбанк” ва “Ипак Йўли” банкларининг чет эл валютасидаги эмитенти дефолти рейтингини (ЭДР) “В-” даражасидаги узоқ истиқболли рейтингларини “барқарор” прогнози билан тасдиқлади, шунингдек, “Универсалбанк”ни “ССС” даражасидаги рейтингга лойиқ деб топди, деб хабар беради Ўзбек телеграф агентлиги (ЎзТАГ).
Бу ҳақида Fitchнинг сайтида жойлаштирилган хабарда айтилади.
Шунингдек, Fitch “Трастбанк” ва “Ипак Йўли” банкларининг чет эл ва миллий валютасидаги эмитенти дефолти рейтингини “В-” даражасидаги узоқ истиқболли рейтингларини “барқарор” прогнози билан, қисқа муддатли ЭДР “В” даражасида, барқарорлик рейтингини “b-“ даражасида, қўллаб қувватлаш рейтингини “беш” даражасида тасдиқлади. Узоқ муддатли ЭДР қўллаб қувватлаш даражаси “қўллаб қувватлаш даражаси йўқ” деб тасдиқланган.
Хусусий “Универсалбанк”ка узоқ муддатли чет эл валютасидаги эмитенти дефолти рейтингини “CCC ” даражасида, қисқа муддатли рейтингини “С” даражасида деб берилди. Миллий валютадаги узоқ муддатли ЭДР “ССС” даражасида, қисқа муддатли рейтинги “С” даражасида, барқарорлик рейтинги “ccc” даражасида, қўллаб қувватлаш рейтинги “беш” даражасида, Узоқ муддатли ЭДР қўллаб қувватлаш даражаси “қўллаб қувватлаш даражаси йўқ” деб тасдиқланган.
Fitch ушбу рейтингларни “Трастбанк”ка илк марта 2011 йил февралда,”Ипак Йўли”га 2014 йилда, “Универсалбанк”ка миллий валютада 2011 йилда тасдиқлаган.
Эслатиб ўтамизки, ҳозирда Ўзбекистон банк тизимида 26 тижорат банки, жумладан, 3 давлат, 5 хорижий капитал иштирокидаги, 11 акционерлик ва 7 хусусий банк мавжуд.
