Франция элчиси Ўзбекистон билан алоқалар турфа ва кўпқирралиги билан ажралиб туради деб ҳисоблайди
Тошкент. 16 июл. ЎзТАГ – Франция ва Ўзбекистоннинг ўзаро алоқалари турфа ва кўпқирралиги билан ажралиб туради. Бу ҳақида Франциянинг Ўзбекистондаги элчиси Жак-Анри Эльс Тошкентда француз миллий байрами – Бастилиянинг олиниш кунига бағишланган тадбирда сўзлай туриб айтиб ўтди, деб хабар беради Ўзбек телеграф агентлиги (ЎзТАГ).
Франциянинг Ўзбекистондаги элчихонасидан хабар беришларича, ўз нутқида элчи икки мамлакатлар муносабатларини характерловчи икки воқеа: 1 июндан Тошкентда Француз альянсининг очилиши ва Ўзбекистонга MEDEF International Франция тадбиркорлар ҳаракати делегациясининг ташрифини айтиб ўтди.
“Ва ниҳоят, мен Франция ва Ўзбекистон ўртасида ҳозирда мавжуд юқори даражадаги сиёсий мулоқотни таъкидлаб ўтаман”, – деди Жак-Анри Эльс. Бунга 2014 йилда уч ўзбек вазирлари ва парламент аъзоларининг Францияга ташрифи ҳам гувоҳдир.
У, шунингдек, Ўзбекистон Республикаси Олий Мажлисининг инсон ҳуқуқлари бўйича яқинда сайланган вакили Улуғбек Муҳаммадиевнинг (Омбудсманнинг) Парижга ташрифини ҳам таъкидлаб ўтди.
Элчи шунингдек, БМТ конвенцияси томонларининг Иқлим ўзгаришига бағишланган 21- конференциясининг муҳимлигини ҳам айтиб ўтди. Ушбу тадбир Францияда декабр бошида бўлиб ўтади.
“Ўзбекистоннинг ҳудуддаги аҳамияти ва мамакатда иқлим ўзгаришининг оқибатлари, хусусан, Орол денгизининг қуриб қолишини ҳисобга олган ҳолда, Ўзбекистоннинг унда иштироки ўта муҳимдир”, – деб ҳисоблайди элчи.
У Ўзбекистон раҳбарияти эко муаммоларни тўлиқ англаган ҳолда мамлакатда энергетик ва иқтисодий ўтиш бошланганини, бунга Франция фаол ёрдам бераётганлигини ҳам таъкидлади.
