Француз шифокорлари ўзбекистонлик болаларни бепул операция қиладилар
Тошкент. 6 май. ЎзТАГ – “Сен ёлғиз эмассан” ҳайрия жамғармаси оғир туғма юрак порогига эга бўлган 15 болани операция қилиш учун француз шифокорларининг Тошкентга ташрифини ташкил қилди, деб хабар беради Ўзбек телеграф агентлиги (ЎзТАГ).
“Оғир туғма юрак порогига эга бўлган 15 болалар гуруҳ камтаъминланган оилаларнинг жамғарма тиббий-ижтимоий хизматига мурожаати асосида шакллантирилган. Кўрик ва текширувлари натижасида француз шифокорлари мамлакат шароитида операция қилиб бўлмайдиган мураккаб юрак патологиясига эга бўлган икки болани танлаб олдилар”, – деб таъкидлашди ҳайрия жамғармасида.
Ушбу болалар Францияга Нант шаҳридаги клиникага жўнатилади. Уларга Республика жарроҳлик маркази шифокор-кардиожарроҳи ва тиббий ҳамшираси ҳамроҳлик қилади. Қолган 13 болалар тиббий кўрсатмалар асосида француз шифокорлари томонидан Ўзбекистонда операция қилинади.
