Француз томони маълумотларига кўра, Ўзбекистонга экспорт ҳажми 73% ўсган

Тошкент. 15 июл. ЎзТАГ – Француз томони маълумотларига кўра, Ўзбекистонга Франция экспорти ҳажми 73%, импорти ҳажми эса 4% ўсган. 2013 йил якунларига кўра, Ўзбекистон ва Франция ўртасидаги товар айланмаси 244 млн евро ёки $300 млндан зиёдни ташқил қилган, дея хабар беради Ўзбек телеграф агентлиги (ЎзТАГ).
Ўзбекистондаги Франция элчихонасидан хабар қилишларича, 2014 йилнинг биринчи ярмида ушбу ижобий динамика сақланиб қолди. Мамлакатлар ўртасида иккитомонлама савдо-иқтисодий муносабатларни, хусусан, агросаноат соҳасида, диверсификация қилиш режалари мавжуд.
Шунингдек, Ўзбекистон ҳукумати Франция тараққиёт агентлиги билан ҳамкорликни ривожлантирмоқда, хусусан, томонлар ўртасида жорий йилда Самарқандда чиқиндиларни қайта ишлаш лойиҳаси бўйича меморандум имзоланган.
Эслатиб ўтамизки, бугун, 14 июл куни Франция ўз миллий байрами – Бастилиянинг олиниш кунини нишонламоқда.