Футбол бўйича Ўзбекистн ёшлар термаси Албанияни енга олмади

Тошкент. 22 август. ЎзТАГ – Футбол бўйича Ўзбекистон ёшлар термаси (U-19) Туркиядаги ўқув-машқ йиғини доирасида иккинчи ўйинини ўтказди, дея хабар қилади Ўзбек телеграф агентлиги (ЎзТАГ).

“Равшан Ҳайдаров шогирдлари Албания ёшлар термасини енга олмади ва 0:0 ҳисобида дуранг ўйнади. Холбуки бир неча кун олдин ушбу терма жамоалар ўйинида ғалаба Ўзбекистон тарафида бўлган эди. Ўшанда футболчиларимиз рақибнинг битта голига уч тўп билан жавоб берган эдилар”, - деб таъкидлашди Ўзбекистон Футбол федерацияси матбуот хизматида.

Бугун эрта тонгда Ўзбекистон ёшлар терма жамоаси Туркиядаги йиғинини якунлаб, Тошкентга қайтиб келди. Бу ерда жамоа миллий чемпионат ўйинлари билан боғлиқ танаффусдан кейин шу йилнинг 9-23 октябрь кунлари Мьянма мамлакатида ўтказиладиган Осиё Чемпионати финал босқичига тайёргарликни давом эттиради.

Эслатиб ўтамизки, футбол бўйича Ўзбекистон ёшлар термаси (U-19) Албаниялик тенгдошларига қарши икки ўйин ўтказиши ҳақида хабар қилган эдик.