Футбол бўйича Ўзбекистон аёллар термаси ФИФА рейтингида бирданига 89 ўринга юқорилади
Дата: 12:52, 07-04-2015.
Тошкент. 7 апрел. ЎзТАГ – Футбол бўйича Ўзбекистон аёллар термаси Халқаро футбол федерациясининг (ФИФА) янгиланган рейтингида бирданига 89 ўринга юқорилаб, 44-ўринни олди, дея хабар беради Ўзбек телеграф агентлиги (ЎзТАГ).
“Янги рейтингда мамлакат аёллар термаси 1548 очко жамғарди. Бунга 2016 йилги Олимпиа ўйинлари саралаш мусобақаларида муваффақиятли иштироки натижасида эришилди. Унда терма жамоа Гонконг ва Фаластин устидан ғалаба қозониб, Иорданиядан ютқазган эди”, - деб таъкидлашди Футбол федерацияи матбуот хизматида.
