Футбол бўйича Ўзбекистон Кубогининг барча ярим финалчилари номлари маълум бўлди
Дата: 14:38, 30-07-2015.
Тошкент. 30 июл. ЎзТАГ – Футбол бўйича Ўзбекистон Кубогининг барча ярим финалчилари номлари маълум бўлди, деб хабар беради Ўзбек телеграф агентлиги (ЎзТАГ).
Олинган маълумотларга кўра, чорак финалнинг икки жавоб учрашуви Тошкентда бўлиб ўтган.
“Пойтахтнинг “Пахтакор” жамоаси 2:0 ҳисобида “Цементчи”ни енгиб, икки учрашув натижалари бўйича (4:2) ярим финалга чиқди. Иккинчи ўйинда “Бунёдкор” “Сўғдиёна”ни қийинчиликларсиз енгиб (4:1) кейинги босқичга ўтди. Энди ушбу икки ашаддий рақиб финалга чиқиш учун майдонга тушадилар. Бошқа жуфтликда “Насаф” ва “Локомотив” беллашади”, – деб таъкидлашди Ўзбекистон Профессионал футбол лигаси матбуот хизматида.
