Футбол бўйича Ўзбекистон миллий терма жамоаси Фаластин билан ўйнайди
Дата: 11:37, 22-08-2014.
Тошкент. 22 август. ЎзТАГ –13 декабр куни Футбол бўйича Ўзбекистон миллий терма жамоаси Фаластин терма жамоаси билан ўртоқлик учрашуви ўтказади, дея хабар беради Ўзбек телеграф агентлиги (ЎзТАГ).
“Учрашув Бирлашган Араб Амирликларининг Дубай шаҳрида бўлиб ўтади. Бу ерда жамоа шу пайтда ўқув-машқ йиғинини ҳам ўтказади. Худди шу йиғин давомида жамоа Ироқ термасига қарши ўртоқлик ўйини ўтказади. Ҳозирча ушбу ўйин 28 декабрга мўлжалланган”, – деб таъкидлашди Ўзбекистон Футбол федерацияси матбуот хизматида.
Дубай йиғини Миржалол Қосимов жамоаси учун 2015 йилги Осиё кубоги ўйинлари олдидан якуний йиғин бўлади. Эслатиб ўтамизки, гуруҳ босқичидан чиқиш учун Ўзбекистон Хитой, Саудия Арабистони ва КХДР термаларига қарши ўйнайди.
