Футбол бўйича Ўзбекистон олимпиа термаси хитойлик тенгдошларига ютқазди

Тошкент. 6 январ. ЎзТАГ – Футбол бўйича Ўзбекистон олимпиа термаси Дубайдаги (БАА) йиғин доирасида хитойлик тенгдошларига ютқазди, деб хабар беради Ўзбек телеграф агентлиги (ЎзТАГ).

Ўзбекистон Футбол федерациясидан хабар қилишларича, ўйиннинг 30-дақиқасида Хитой термаси вакили Кси Пенгфеи ҳисобни очди, кейин эса 78-дақиқада Лиу Бин Бин иккинчи голни урди.

Ўзбекистон олимпиа термаси бош тренери Самвел Бабаян БААдаги йиғинда Иорданияга қарши ҳам ўйин ўтказиш ниятида.

Олдин хабар қилингани каби, январда Ўзбекистон олимпиа термаси Қатарда Осиё чемпионатининг U-23 финалида иштирок этади. Ўзбекистон олимпия терма жамоаси “C” гуруҳига тушган бўлиб, Жанубий Корея, Ироқ ҳамда Яман терма жамоаларига қарши майдонга тушади.

Ўзбекистон термаси чемпионатидаги биринчи ўйинни 13 январ куни Жанубий Корея олимпия терма жамоасига қарши ўтказади. Иккинчи ўйин 16 январ куни Ироқ олимпия терма жамоасига қарши бўлиб, сўнгги турда Самвел Бабаян бош мураббийлигидаги терма жамоа Яманга қарши майдонга тушади

Эслатиб ўтамизки, Осиё чемпионатининг энг яхши уч жамоаси Рио-де-Жанейродаги олимпиа ўйинларида қатнашиш ҳуқуқини олади.