Футбол бўйича Ўзбекистон ўсмирлар терма жамоаси Иорданиялик тенгдошларига ютқазди
Дата: 19:34, 23-07-2014.
Тошкент. 23 июл. ЎзТАГ – Футбол бўйича Ўзбекистон ўсмирлар (U-16) терма жамоаси Туркиянинг Истанбул шаҳрида давом этаётган халқаро турнирдаги учинчи ўйинини ўтказди, дея хабар беради Ўзбек телеграф агентлиги (ЎзТАГ).
“Бу сафар Александр Мочинов шогирдлари Иорданиялик ўсмирлар билан баҳслашди. Ўйин Иордания термасининг 3:0 ҳисобидаги ғалабаси билан якунланди. Эслатиб ўтамизки, Ўзбекистон ўсмирлари илк ўйинда Саудия Арабистонига 0:3 ҳисобида ютқазиб, иккинчи учрашувда Қатар ўсмирлари билан 1:1 ҳисобида дуранг ўйнаган эди”- деб таъкидлашди мамлакат Футбол федерацияси матбуот хизматида.
Жамоа турнирдаги сўнгги ўйинини 24 июль куни БАА ўсмирлар терма жамоасига қарши ўтказади.
