Футбол бўйича Ўзбекистон терма жамоаси ФИФА рейтингида 55-ўриндан 53-ўринга кўтарилди
Дата: 15:14, 11-04-2014.
Тошкент. 11 апрель. ЎзТАГ – Футбол бўйича Ўзбекистон терма жамоаси ФИФА рейтингида 55-ўриндан 53-ўринга кўтарилди, дея хабар беради Ўзбек телеграф агентлиги (ЎзТАГ).
Куни кеча Бутунжаҳон футбол федерациялари ассоциацияси (ФИФА) дунё терма жамоаларининг янги рейтингини эълон қилди. Ушбу янги рейтингда Ўзбекистон терма жамоаси Осиё қитъасида Эрон (37-ўрин) ва Япониядан (47-ўрин) кейин учинчи ўринни эгаллади.
Мустақил Давлатлар Ҳамдўстлиги Мамлакатлари орасида эса ўзбек терма жамоаси Украина (17), Россия (18) ва Арманистондан (33) кейин 4-ўринни эгаллаб турибди.
ФИФА рейтингини ҳамон Испания бошқармоқда. Кучли учликда Германия ва Португалия терма жамоалари ҳам бор.
