Футбол бўйича Ўзбекистон термаси Экваториал Гвинея билан ўйнайди
Тошкент. 24 май. ЎзТАГ – Ўзбекистон миллий терма жамоаси 2 июн куни Тошкентда Экваториал Гвинея миллий терма жамоасига қарши ўртоқлик учрашувини ўтказади, деб хабар беради Ўзбек телеграф агентлиги (ЎзТАГ).
“Мазкур ўртоқлик ўйини 2 июн куни Тошкентдаги Бунёдкор стадионида бўлиб ўтади. Учрашувнинг бошланиш вақти 19.00да. Африкалик жамоани ҳозирда аргентиналик Эстебан Беккер бошқариб бормоқда. Ўзбекистон учун ўйин 2018 йилги Россияда бўлиб ўтадиган Жаҳон чемпионатининг учинчи босқичига тайёргарлик ўйинларидан бири бўлади”, - деб таъкидлашди Футбол федерациясида.
Эслатиб ўтамизки, бундан олдинроқ Ўзбекистон термаси 2 июнда Қирғизистонга қарши ўртоқлик ўйини ўтазиши керак эди. Аммо учрашув ўтган ҳафтада бекор қилинди.
4 июнда Ўзбекистон термаси Австрияга йиғинга учиб кетади ва бу ерда Канада билан ўртоқлик ўйини ўтказади.
