Футбол бўйича Ўзбекистон термаси ФИФА рейтингида 7 поғона пастлади
Дата: 16:12, 24-10-2014.
Тошкент. 24 октябр. ЎзТАГ – Футбол бўйича Ўзбекистон термаси ФИФАнинг янгиланган рейтингида 7 поғона пастлади ва 65 ўринга тушиб қолди, дея хабар беради Ўзбек телеграф агентлиги (ЎзТАГ) ташкилот расмий сайтига асосланган ҳолда.
МДҲ мамлакатлари термалари орасида Ўзбекистон Украина (19-ўрин) ва Россиядан (30) кейин учинчи ўринда бормоқда.
Айни пайтда Осиё жамоалари орасида ҳам Ўзбекистон Эрон (44) ва Япония (48) термаларидан кейин учинчи ўринни эгаллаб турибди.
Жаҳон терма жамоалари рейтингида ҳамон Германия етакчилик қилмоқда. Кейинги ўринларда Аргентина (2) ва Колумбия (3) бормоқда. Рейтингдаги Топ-10 жамоалар сирасига Белгия (4), Голландия (5), Бразилия (6), Франция (7), Уругвай (8), Португалия (9) ва Испания (10) термалари ҳам киради.
