Футбол бўйича Ўзбекистон термаси ФИФАнинг янги рейтингида тўққиз поғона пастлади
Дата: 10:57, 28-11-2014.
Тошкент. 28 ноябр. ЎзТАГ – Халқаро футбол федерацияси (ФИФА) дунё футбол терма жамоаларининг навбатдаги рейтингини эълон қилди, дея хабар беради Ўзбек телеграф агентлиги (ЎзТАГ).
“Янги рейтингда Ўзбекистон миллий терма жамоаси аввалги ойда эгаллаган рейтингидан 9 поғона пастлаган ҳолда жаҳон рейтингида 74-ўринда қайд этилди. Айни пайтда Ўзбекистон термаси Осиёда тўртинчи ўринни эгаллаб, Япония (53), Эрон (56) ва Жанубий Кореядан (69) кейинда бормоқда”, – деб таъкидлашди Футбол федерацияси матбуот хизматида.
