Футбол бўйича Ўзбекистон термаси рейтингда Россиядан ўзиб кетди
Тошкент. 7 апрел. ЎзТАГ – Футбол бўйича Ўзбекистон термаси Халқаро футбол федерацияси (ФИФА) рейтингида Россиядан ўзиб кетди, деб хабар беради Ўзбек телеграф агентлиги (ЎзТАГ).
Апрел рейтингида Ўзбекистон термаси 60-ўринда бўлса, Россия – 61-поғонада.
Собиқ совет мамлакатлари орасида энг юқори натижа Украинада (37-), аммо ушбу жамоа ўтган рейтингга қараганда 6 ўрин пастлаган. Украина термаси ортидан Ўзбекистон ва Россия бормоқда. Улардан кейинда Беларусь (78-), Озарбайжон (87-), Қозоғистон (105-), Қирғизистон (128-), Тожикистон (138-), Туркманистон (140-) ва Молдова (158-).
Рейтингнинг биринчи ўнлигида Бразилия, Аргентина, Германия, Чили, Колумбия, Франция, Бельгия, Португалия, Швейцария ва Испания термалари бор.
Рейтингга Гибралтар, Эритрея ва Ангилья якун ясаган.