Футбол бўйича Ўзбекистон термасининг бош тренери терма жамоанинг КХДР ва Яманга қарши ўйинга тушувчи кенгайтирилган таркибини эълон қилди
Дата: 15:14, 03-11-2015.
Тошкент. 3 ноябр. ЎзТАГ – Футбол бўйича Ўзбекистон термасининг бош тренери Самвел Бабаян терма жамоанинг КХДР ва Яманга қарши ўйинга тушувчи кенгайтирилган таркибини эълон қилди, деб хабар беради Ўзбек телеграф агентлиги (ЎзТАГ).
“Унга 27 ўйинчи киритилди, булардан 9таси легионерлар. Жамоа асосини анъанавий равишда пойтахтнинг “Пахтакор” (8 футболчи) ва “Локомотив” (6 ўйинчи) жамоалари ўйинчилари ташкил этмоқда”, - деб таъкидлашди Футбол федерациясида.
Эслатиб ўтамизки, Ўзбекистон термаси 12 ноябрда Тошкентда 2018-йилги Жаҳон чемпионати саралаши 7-тури доирасида КХДР термаси билан ўйнайди. Беш кундан сўнг эса терма жамоа Яманга қарши сафарда майдонга тушади.
