ЎзТАГ
Ўзбек телеграф агентлиги

Тошкент, 0:18 | 10 декабр

Футбол бўйича Ўзбекистон ёшлар термаси Индонезиялик тенгдошлари билан ўйнайди

Дата: 15:04, 10-10-2014.

Тошкент. 10 октябр. ЎзТАГ – Бугун, 10 октябрда Мьянмада футбол бўйича ёшлар (U-19) ўртасида Осиё чемпионати 1 тури “В” ва “D” гуруҳидаги учрашувлар бўлиб ўтади. Улардан бирида Ўзбекистон термаси тошкент вақти билан соат 14:00да Индонезия билан учрашади, дея хабар беради Ўзбек телеграф агентлиги (ЎзТАГ).

Мьянмадаги турнир 9 октябрда бошланди ва ушбу куни “А” ва “С” гуруҳидаги жамоалар биринчи учрашувларини ўтказдилар. Илк ўйинда Мьянма ва Яман термалари куч синашди. Ушбу ўйин голсиз 0:0 ҳисоби билан якунланди. Иккинчи гуруҳдаги учрашувда Таиланд термаси Эронни 2:1 ҳисобида енгди.

“С” гуруҳида Жанубий Корея Вьетнамни қийинчиликсиз енгди – 6:0. Хитой ва Япония қарама-қаршилигида Чин-Мочинлик спортчиларнинг қўли баланд келди – 2:1.

Ўйинлар жадвали билан Ўзбекистон Футбол федерацияси сайтида танишиш мумкин.

Илгари ЎзТАГ 9 октябрда футбол бўйича 38-ёшлар Осиё чемпионати бошланиши ҳақида хабар қилган эди.

Янгилик билан ўртоқлашиш:

Мавзу бўйича ҳаволалар

Ўзбекистонликлар сув учун 411 млрд сўмдан ортиқ қарз бўлди ЮНФПАнинг Ўзбекистондаги янги раҳбари Ю Ю бўлди Франция муносиб равишда икки карра жаҳон чемпиони бўлди