Футбол бўйича Ўзбекистон ёшлар термаси Осиё чемпионатидаги иштирокини бошлайди
Дата: 18:04, 08-10-2014.
Тошкент. 8 октябр. ЎзТАГ – Эртага Мьянмада Ёшлар ўртасида футбол бўйича 38-Осиё чемпионати бошланади, дея хабар беради Ўзбек телеграф агентлиги (ЎзТАГ).
“Турнирда қитъанинг жами 16 кучли жамоалари иштирок этади. Ўзбекистон термаси учун чемпионат 10 октябр куни бошланади. Шу куни терма жамоамиз Индонезия билан ўйнайди. Равшан Хайдаров шогирдлари гуруҳ босқичининг кейинги ўйинларини 12 ва 14 октябр кунлари БАА ва Австралияга қарши ўйинлар билан давом эттирадилар”, – деб таъкидлашдиФутбол федерацияси матбуот хизматида.
Агар Ўзбекистон термаси чорак финалга чиқадиган бўлса, “А” гуруҳидаги Мьянма, Эрон, Таиланд ва Яман термаларидан бири билан беллашади.
