Футбол бўйича Ўзбекистон ёшлар термаси Таиландга йиғинга жўнаб кетди
Дата: 14:37, 18-09-2014.
Тошкент. 18 сентябр. ЎзТАГ – Футбол бўйича Ўзбекистон ёшлар термаси (U-19) Таиланд пойтахти Бангкок шаҳрига ўқув-машқ йиғинини ўтказиш учун жўнаб кетди, дея хабар беради Ўзбек телеграф агентлиги (ЎзТАГ).
“22 сентябргача давом этадиган Бангкокдаги йиғин давомида Равшан Хайдаров шогирдлари таиландлик тенгдошларига қарши икки ўртоқлик учрашувида иштирок этадилар. Ўйинлар 19 ва 21 сентябр кунлари бўлиб ўтади”, – деб таъкидлашди мамлакат Футбол федерацияси матбуот хизматида.
Эслатиб ўтамизки, ушбу йиғин 9-23 октябрларда Мьянмада бўлиб ўтадиган Осиё чемпионати финали олдидан якунловчи йиғин бўлади.
