Футбол бўйича Ўзбекистон ёшлар термаси Туркиядаги халқаро турнирда ўйнайди
Дата: 14:16, 16-07-2014.
Тошкент. 16 июл. ЎзТАГ – Футбол бўйича Ўзбекистон ёшлар термаси (U-16) Истамбул шаҳрида 15-25 июл кунлари бўлиб ўтадиган халқаро турнирда иштирок этади, дея хабар беради Ўзбек телеграф агентлги (ЎзТАГ).
“Александр Мочинов шогирдлари Туркиядаги биринчи ўйинларини 17 июл куни ўтказадилар. Ушбу куни терма жамоа Саудия Арабистони ёшлар термасига қарши майдонга тушади. Уч кундан кейин эса Ўзбекистон ёшлар термаси вакиллари Иорданияга қарши ўйнайдилар. Терма жамоамиз иштирокидаги якуний икки ўйин 22 ва 24 июлда бўлиб ўтади. Уларда жамоага Қатар ва БАА термалари қарши чиқади”, – деб таъкидлашди Ўзбекистон Футбол федерацияси матбуот хизматида.
