Футзал бўйича Ўзбекистон терма жамоаси Осиё чемпионати чорак финалига чиқди
Дата: 10:07, 06-05-2014.
Тошкент. 6 май. ЎзТАГ – Вьетнам пойтахти Хошимин шаҳрида футзал бўйича Осиё чемпионатининг гуруҳ босқичи ниҳоясига етди, дея хабар беради Ўзбек телеграф агентлиги (ЎзТАГ).
Сўнгги турда ўзбек футболчилари Жанубий Корея терма жамоасини 3:0 ҳисобида енгдилар. Натижада Ўзбекистон 7 очко билан гуруҳда биринчи ўринни эгаллади ва чорак финалга чиқди. 7 май куни ўзбекистонликлар “С” гуруҳида иккинчи ўринни олган Ливан терма жамоасига қарши ўйнайди”, - деб таъкидлашди Ўзбекистон футзал ассоциациясида.
