GE Aviation “Ўзбекистон ҳаво йўллари” самолётлари учун авиадвигателлар етказиб беради

Тошкент. 22 сентябр. ЎзТАГ – GE Aviation ширкати “Ўзбекистон ҳаво йўллари”нинг Boeing 787 Dreamliner самолётлари учун тўртта GEnx-1B авиадвигателлари етказиб беради, деб хабар беради Ўзбек телеграф агентлиги (ЎзТАГ).

Бунга доир келишув Нью-Йоркда бўлиб ўтган ўзбек-америка бизнес-форуми доирасида бўлиб ўтди. Бундан ташқари, МАК битта GEnx-1B захира двигателини ҳам сотиб олади. Уларнинг бари 2018 йилда етказиб берилиши режалаштирилган. 

“Биз “Ўзбекистон ҳаво йўллари” МАК билан стратегик ҳамкорликни кенгайтиришдан мамнунмиз. Boeing 787 Dreamliner самолётлари учун GEnx-1B двигателларининг танланиши уларнинг ишончлилигини билдиради”, деб таъкидлади GE Aviation ширкати матбуот хизматида.

Uzbekistan Airways Technics авиацион техникани таъмирлаш корхонаси директор ўринбосари Андрей Маргачевнинг сўзларига кўра, GE Aviation билан ҳамкорлик МАКга халқаро алоқаларни ривожлантириш йўлидаги бир муҳим қадам бўлган.

“Миллий авиакомпания юқори смарадор GEnx-1B двигателларига эга бўлган  Boeing 787 Dreamlinerлардан биринчи бўлиб фойдаланаётгани ғурур туйғусини уйғотади”, - деб таъкидлаб ўтди у.

Шунингдек, томонлар МАКнинг Boeing 787 Dreamliner самолётларига ўрнатилган GEnx-1B двигателларини таъмирлаш ва уларга техник хизмат кўрсатиш бўйича музокараларни бошлашга келишиб олдилар.