GEFCO Baltic компанияси ва MAN Австрия ва Германиядан Ўзбекистонга автодеталлар ташиш шартномасини чўздилар
Тошкент. 27 август. ЎзТАГ – Риганинг GEFCO Baltic компанияси (GEFCO Group логистик компаниясининг бўлими) ва MAN Австрия ва Германиядан Самарқанддаги ўзбек-немис автомобиль заводи учун Ўзбекистонга автодеталлар ташиш шартномасини чўздилар. Бу ҳақида gudok.ru нашри хабар қилмоқда.
Шартномага мувофиқ, GEFCO MANнинг австриядаги Штайр, немис Брауншвейг ва Зальцгиттердаги заводларидан Самарқандгача бутловчи қисмлар етказиб беришни таъминлайди.
Лойиҳа 2014 йил апрелда бошланган бўлиб, 2015 йил мартигача давом этган. Ўтган муддатда GEFCO ушбу йўналишда 972 40-футли контейрнер ташиди. Моллар 28-29 кунда етказиб берилган. MANнинг Австрия ва немис заводларидан олинган деталлар олдин Гамбургга келтирилиб, бу ердан денгиз орқали Рига етказилади, кейин эса Самарқандга жўнатилади.
Ҳамкорлик муваффақиятли чиққани сабабли MAN ва GEFCO Baltic шартномани чўздилар. GEFCO Baltic 2016 йил мартигача йўналишда 850 40-футли контейнерлар ташилишини тахмин қилмоқда.
“Юкларни Германия ва Австриядаги омборлардан манзилга етказиш учун биз қуруқлик, денгиз ва темир йўллардан фойдаланамиз. 13 жойда божхона амалиётларини амалга оширамиз”, - деб таъкидлайди GEFCO Baltic бош директори Мартинас Кершис.
Эслатиб зтамизки, GEFCO Group – байналминал логистик компания бўлиб, автомобиллар ва саноат логистикасига ихтисослашган. Гуруҳ акцияларининг 75% “РЖД” ОАЖ, 25% – PSA Peugot Citroenга қараши. GEFCOнинг 2014 йилги айланмаси €4053 млн. Компаниянинг ўтган йилги тушуми €105 млн бўлиб, бу 2013 йилги кўрсатчдан ошиқ.
