General Mobile Ўзбекистонда смартфонлар чиқаришни йўлга қўяди
Тошкент. 29 сентябр. ЎзТАГ – Туркиянинг General Mobile компанияси Ўзбекистонда Google Android One смартфонларини ишлаб чиқаришни йўлга қўяди, деб хабар беради Ўзбек телеграф агентлиги (ЎзТАГ) маҳаллий ОАВ асосланган ҳолда.
Янги смартфон октябр ойида ҳали очиқланмаган ўзбек компанияси томонидан йигила бошланади.
Android One смартфони кўплаб қулайликларга эга эканини қайд этилмоқда. Хусусан, Android One иккита асосий устунликка эга: биринчидан, унда Google ишланмаларидан фойдаланиш учун максимал миқдордаги қулайликлар мавжуд. Иккинчидан, қурилма Android`нинг янги вариантларини автоматик равишда янгилайди.
Эслатиб ўтамизки, 2015 йилнинг февралда Американинг Google Inc. корпорациясининг Янги технологиялар ва Google ишланмаларини ривожлантириш Олий Департаменти ўз ишланмалари учун янги истиқболли ҳудудларни ўзлаштиришга қарор қилди. Шу мақсадда Google корпорациясининг идораси Истанбулда жойлашган Яқин ва Узоқ Шарқ, шунингдек, Марказий Осиё мамлакатлари бўйича йирик ритейлери – General Mobile потенциал бозорларни қидиришни бошлади.
Ривожланаётган бозорларни излаш жараёнида General Mobile компанияси Қозоғистон, Қирғизистон, Ўзбекистон, Тожикистон, Туркманистон, Покистон, Эрон ва бошқа бир қатор мамлакатларда бўлиб, ҳар қайси бозорнинг қўйилган мақсадларга нисбатан жозибадорлиги ўрганилди. Узоқ фикр-мулоҳазалар, муҳокамалардан сўнг 2015 йилнинг июл ойида Google корпорацияси вакили Ўзбекистон билан ҳамкорлик қилишни таклиф этди. Бунда General Mobile Google ишланмалари асосида смартфонлар ишлаб чиқаришда хўжалик техникаси ва электроника миллий ишлаб чиқарувчиси – Artelнинг ишлаб чиқариш қуввати ҳамда хизмат кўрсатиш таъминоти энг мақбул вариант эканини қайд этди.
