Германиянинг Ўзбекистондаги элчиси грант ва стипендиялар олиш бўйича сертификатларни топширади

Тошкент. 4 июн. ЎзТАГ – Эртага Германиянинг Ўзбекистондаги элчихонасида немис дипломатик вакиллигининг раҳбари ўзбекистонлик стипендиатларга Германияда тил курсларини ўтиш, ўқиш ва тадқиқотлар олиб бориш учун грант ва стипендиялар олиш бўйича сертификатларни топширади, деб хабар беради Ўзбек телеграф агентлиги (ЎзТАГ).

Хусусан, 83 ўзбек талаба, ўқитувчи ва олимлари немис университет ва тадқиқот муассасаларида академик алмашинув бўйича стипендиялар билан тақдирланади.

Стипендиялар ёш ўзбек олимларига герман ОЎМда докторлик диссертацияларини (PhD) ҳимоя қилишга, шунингдек, ўзбек олим ва ўқитувчиларининг немис университетлари билан бирга тадқиқотлар лойиҳаларини қўллаб-қувватлашга имкон беради.

Бундан ташқари, ўқув стипендиялари магистратурада ўқишни тўлиқ молиялаштиради.