Глобал экологик жамғарма фарғоналик фермерлар учун агроўрмончилик бўйича тренинг уюштирди
Фарғона. 15 декабр. ЎзТАГ – Бугун Фарғона вилоятида агроўрмончилик технологиялари бўйича тренинг бўлиб ўтмоқда. У Глобал экологик жамғармасининг Ўзбекистондаги ваколатхонаси томонидан ташкил этилган, деб хабар беради Ўзбек телеграф агентлиги (ЎзТАГ).
Жамғармадан хабар қилишларича, фермерлар учун тренинг Фарғона вилояти Учкўприк тумани ҳокимияти биносида ташкил этилган. Учрашувни Ўзбекистон Фермерлар уюшмаси раиси Содиқжон Турдиев ва ГЭЖ Ўзбекистондаги Кичик грантлари дастури мувофиқлаштирувчиси Алексей Волков очди.
Тренинг доирасида мутахассислар иштирокчиларга агроўрмончилик нима эканлиги ва ушбу йўналишда нималарни таклиф этишлари мумкинлиги ҳақида гапириб берадилар. ГЭЖ Ўзбекистондаги Кичик грантлари дастурининг фермерларга агроўрмончилик технологияларини жорий этишга қаратилган аниқ таклифлари ҳам тадбирнинг муҳим қисми бўлади.
Шунингдек, иштирокчилар фермерлар учун яратилган махсус веб-портал ҳақида хабардор қилинадилар. Ушбу сайт амалиётчилар ва экспертлар учун инновацияларни тақдим этиш ва фикр ҳамда тажриба алмашиш бўйича очиқ майдонча бўлиб хизмат қилиши зарур.
