GM Korea Россияга автомобиллар ва автокомплектлар экспорт қилишни тўхтатди, Ўбекистонга эса кўпайтириши мумкин
Тошкент. 4 апрел. ЎзТАГ – Американинг General Motors копаниясини филиали бўлган GM Korea ширкати рублнинг қадрсизланиши туфайли Россияга автомобиллар ва олдиндан йиғилган автокомплектлар экспорт қилишни тўхтатди. Айни пайтда компания Ўзбекистон ва Австралияга экспортни кўпайтириши мумкин, дея хабар беради Ўзбек телеграф агентлиги (ЎзТАГ).
Бу ҳақида “Блумберг” агентлигига компания бош директори Сергио Роча хабар қилди.
Йўқотишлар ўрнини қоплаш учун янги бозорлар қидирилмоқда, деб таъкидлади корея компанияси раҳбари, ҳамда ушбу мамлакатда ишлаб чиқарилган автомобиллар экспорти Ўзбекистон ва Австралияга кўпайтирилиши мумкин, деб қўшимча қилди.
Эслатиб ўтамизки, 18 мартда General Motors Opel бренди ва Chevroletнинг оммавий моделларининг россия бозоридан чиқарилиши ва Cadillac ва Chevroletнинг қимматбаҳо моделларига эътибор қаратилиши ҳақида маълум қилган эди. GMнинг Санкт-Петербургдаги заводи 2015 йил ўртасида ишлаб чиқаришни тўхтатади, шу йилнинг ўзида Нижний Новгороддаги “ГАЗ гуруҳи” ва калининграддаги “Автотор” қувватларида йирик қисмлардан Chevrolet Aveo ишлаб чиқариш ҳам тўхтатилади.
